Upplýsingamiðstöð heilsugæslunnar er miðlæg þjónusta fyrir alla sem þangað leita.
Á Upplýsingamiðstöð heilsugæslunnar starfa bæði hjúkrunarfræðingar og fulltrúar sem leggja sig fram við að aðstoða á netspjalli Heilsuveru og í síma 513-1700.
Símaþjónusta er opin allan sólarhringinn. Netspjall Heilsuveru er opið milli klukkan 8 og 16 alla virka daga.
Upplýsingamiðstöð veitir ráðgjöf í síma 1700 allan sólarhringinn og á netspjalli sem er opið milli klukkan 8 og 16 alla virka daga.
Hjúkrunarfræðingar og fulltrúar leggja sig fram við að veita skjóta og góða þjónustu.
Þegar fólk ætlar að ferðast gæti það þurft á bólusetningu að halda. Gott er að huga að bólusetningum og leita ráða hjá starfsfólki heilsugæslunnar 2 til 3 mánuðum fyrir brottför.
Upplýsingamiðstöð heilsugæslunnar getur ráðlagt fólki hvort og þá hvaða bólusetningu það þarf þegar það fer erlendis. Sótt er um ráðgjöf á netspjalli Heilsuveru. Hægt er að hringja í Upplýsingamiðstöð heilsugæslunnar í síma 513-1700 fyrir nánari upplýsingar.
Ferðabólusetningar eru gerðar á öllum heilsugæslustöðvum. Á Heilsugæslunni Mjódd er opin bólusetningamiðstöð í Þönglabakka 1. Opið er alla virka daga frá 9:00 til 15:00, tímabókanir óþarfar.
Meiri upplýsingar um bólusetningar vegna ferðalaga má finna á Heilsuveru: Bólusetningar ferðamanna
Tóbaksnotkun er eitt stærsta lýðheilsuvandamál heimsins í dag. Notkun tóbaks er einn helsti áhættuþáttur fjölmargra alvarlegra sjúkdóma og getur haft í för með sér ýmis heilsufarsvandamál. Því er mikill ávinningur af því að hætta tóbaksnotkun.
Hjúkrunarfræðingar á Upplýsingamiðstöð heilsugæslunnar aðstoða einstaklinga sem vilja aðstoð við að hætta tóbaksnotkun. Veitt er ráðgjöf, stuðningur og eftirfylgd til þeirra sem leita aðstoðar í formi rafrænna samskipta og símaviðtala.
Þau sem vilja aðstoð við að hætta tóbaksnotkun geta haft samband við netspjall Heilsuveru eða við Upplýsingamiðstöðina í síma 513-1700.
Hægt er að lesa meira um tóbak og ráð til að hætta notkun þess á þekkingarvef Heilsuveru.
| Bóluefni | Staða |
| Barnaveiki, kíghósti, stífkrampi og mænusótt | |
| Barnaveiki, kíghósti og stífkrampi | |
| Mænusótt | |
| Lifrarbólga A og B | |
| Lifrarbólga A | |
| Lifrarbólga B | |
| Taugaveiki | |
| Hundaæði | |
| Mýgulusótt (Yellow Fever) | |
| Japönsk heilabólga | |
| Blóðmauraheilabólga | |
| Heilahimnubólga, meningókokka A, C, W135 og Y | |
| Lungnabólga |
Heilsugæslan Mjódd er með bólusetningar í Þönglabakka 1 (2.hæð) milli 9:00 og 15.00 alla virka daga.
Hér er hægt að sjá birgðastöðu bóluefna í Þönglabakka. Athugið síðan er uppfærð vikulega og er ætluð sem viðmið, ekki er hægt að tryggja að bóluefni séu til þegar komið er á staðinn.
Hægt er að hafa samband við Upplýsingamiðstöð heilsugæslunnar í síma 513-1700 eða á netspjalli til að fá frekari upplýsingar.
| Nóg til | |
| Lítið til | |
| Ekki til |
Síðast uppfært: 20. ágúst 2025
Á þekkingarvef Heilsuvera.is má finna svör við mörgum spurningum um heilsu og áhrifaþætti hennar.
Undir liðnum Sjúkdómar, frávik, einkenni eru ráðleggingar um fjölmarga sjúkdóma.
Þar er oft leiðbeint um hvað hægt er að gera heima, hvenær þarf að leita til heilsugæslu og hvenær þarf að leita til bráðaþjónustu.
Þarna er æskilegt að byrja áður en spurt er ráða á netspjalli eða í síma.
Á þjónustuvefsjá Heilsuveru sérð þú allar heilsugæslustöðvar á landinu, opnunartíma þeirra og hvaða þjónusta er í boði.
Upplýsingamiðstöð HH hefur m.a. umsjón með:
Lögð er áhersla á að leiðbeina um heilbrigðiskerfið til að tryggja bestu mögulegu þjónustu.
Upplýsingamiðstöð heilsugæslunnar stefnir að því að veita framúrskarandi þjónustu til þeirra sem leita til hennar.
Öll samtöl eru skráð tímabundið vegna gæðaeftirlits.
Svæðisstjóri: Ingibjörg Rós Kjartansdóttir
Við viljum vita hvað þér finnst um þjónustu okkar.
Þú getur komið ábendingum til okkar á netspjalli Heilsuveru.
Ábendingar um hvað má betur fara hjálpar okkur að gera enn betur.
